ຫຼາຍປະເທດ ຄັດຄ້ານການແບ່ງແຍກໃຫ້ໄຕ້ຫວັນເປັນເອກະລາດ ທຸກຮູບແບບ
ທ່ານ ນາງ ມາເຣຍ ຊາຮະໂຣວາ ໂຄສົກກະຊວງການຕ່າງປະເທດ ຣັດເຊຍ
ສຳນັກຂ່າວ ຊິນຮວາ ລາຍງານໃນວັນທີ 16 ມັງກອນ 2024 ນີ້, ພາຍຫຼັງຜົນການເລືອກຕັ້ງ 2 ສະບັບຢູ່ເຂດໄຕ້ຫວັນປີ 2024
ຖືກປະກາດ, ທ່ານ ນາງ ມາເຣຍ ຊາຮະໂຣວາ ໂຄສົກກະຊວງການຕ່າງປະເທດ ຣັດເຊຍ ກ່າວວ່າ: ຣັດເຊຍ ຄັດຄ້ານການແບ່ງແຍກ
ໃຫ້ໄຕ້ຫວັນເປັນເອກະລາດທຸກຮູບແບບ, ຮຽກຮ້ອງໃຫ້ອິດທິກຳລັງພາຍນອກທັງໝົດຢ່າໃຊ້ການເຄື່ອນໄຫວທ້າທາຍທີ່ຈະທຳລາຍສະ
ຖຽນລະພາບຂອງພາກພື້ນ ແລະຄວາມໝັ້ນຄົງສາກົນ.
ຕໍ່ກັບເລື່ອງດັ່ງກ່າວ, ວັນທີ 15 ມັງກອນ, ທ່ານນາງ ເໝົານີງ ໂຄສົກກະຊວງການຕ່າງປະເທດຈີນ ໄດ້ຕອບຄຳຖາມຂອງນັກຂ່າວ
ໃນກອງປະຊຸມຖະແຫຼງຂ່າວວ່າ: ຈີນຊົມເຊີຍຫຼັກໝັ້ນຂອງຣັດເຊຍ. ທີ່ຈິງແລ້ວ, ນອກຈາກຣັດເຊຍ, ມາຮອດປັດຈຸບັນນີ້ໄດ້ມີຫຼາຍປະ
ເທດ ແລະອົງການຈັດຕັ້ງສາກົນ, ລວມທັງຣັດເຊຍ, ອິນໂດເນເຊຍ, ຫວຽດນາມ, ກຳປູເຈຍ, ລາວ, ບັງກລາເດັດ, ຟີລິບປິນ ແລະອື່ນໆ,
ກໍໄດ້ກ່າວຢ້ຳຢ່າງເປີດເຜີຍວ່າ: ຈະປະຕິບັດຕາມຫຼັກການປະເທດຈີນດຽວດ້ວຍຮູບການຕ່າງໆ ເຊັ່ນ: ອອກຖະແຫຼງການ, ອອກປະກາດ
ແຈ້ງການ, ຕອບຄຳຖາມຂອງນັກຂ່າວ ແລະອື່ນໆ, ເດັດດ່ຽວສະໜັບສະໜູນຈີນປົກປ້ອງອະທິປະໄຕ ແລະຜືນແຜ່ນດິນອັນຄົບຖ້ວນຂອງ
ຊາດ, ຄັດຄ້ານ “ການແບ່ງແຍກໃຫ້ໄຕ້ຫວັນເປັນເອກະລາດ” ທຸກຮູບແບບ, ສະໜັບສະໜູນພາລະກິດເຕົ້າໂຮມປະເທດຊາດໃຫ້ເປັນ
ເອກະພາບກັນຂອງຈີນ.
ທ່ານ ນາງ ເໝົານີງ ຍັງກ່າວ ຕື່ມວ່າ: ນີ້ແມ່ນສຽງເປັນທຳ ແລະ ສຽງສັນຕິພາບຈາກປະຊາຄົມໂລກ, ເຊິ່ງສະແດງໃຫ້ເຫັນເຖິງ
ຄວາມຮັບຮູ້ທີ່ເປັນເອກະພາບກັນຢ່າງກວ້າງຂວາງຂອງປະຊາຄົມໂລກໃນການເດັດດ່ຽວປົກປ້ອງກົດບັດສະຫະປະຊາຊາດ ແລະ ຫຼັກ
ການພື້ນຖານດ້ານການພົວພັນສາກົນ, ເປັນຕົວແທນຂອງກະແສຍຸກສະໄໝ ແລະ ທ່າອ່ຽງຂອງປະຫວັດສາດ. ພວກເຮົາຂໍສະແດງ
ຄວາມຂອບໃຈຕໍ່ປະເທດເຫຼົ່ານີ້ທີ່ເຂົ້າໃຈ ແລະສະໜັບສະໜູນຫຼັກການຄວາມເປັນທຳຂອງ ຈີນ.
ແຫຼ່ງທີ່ມາ: ໜັງສືພິມກອງທັບ
ວັນທີ 23/01/2024